La chasa 98 ad Ardez as basa sün duos unitads medievalas: üna tuor e ün’unità abitativa. Las duos parts medievalas sun gnidas unifichadas dürant il 16avel secul suot ün unic tet fuormand ün’unica volumetria. Il tet unifichand, elemaint caracteristic da la “chasa engiadinaisa” vegn refat cun üna structura nouva chi renunzcha a las tramas in traviers, in möd a liberar il spazi e a til render abitabel. La structura ais fuormada da las duos surfatschas da tet, tgnidas in tensiun dad ün cularin da beton perimetral, pozzà sün ils mürs da la chasa. Las surfatschas sun fattas our d’üna seria dad asserchels, colliads cun üna platta da 3 vettas e fuormand ün elemaint “monolitic”. La repetiziun e la proporziun dal’s asserchels, elemaint constructiv, dan al spazi üna forza fuormala e crea üna relaziun nouva da la veglia chasa vers il paesagi. La restauraziun reguarda la part abitativa da la chasa (la part mürada); il tablà vegn mantgnü sco tal, sco polmun da la part abitativa.